美少女战士展 六本木Mori [email protecte
日比谷线「六本木駅」1C出口直行尽头之后上电梯，再直行就会到达「MORI TOWER」，见到这个入口上去就可以即场买门票。
係门口已经提示左Cafe要等几耐先入到。（而家30分钟已经算快，首日要等3小时…)
如果买咗前卖劵就可以去会场换正式入场劵，前卖劵可以拣自己喜欢的美少女战士图案，因为我係木野粉丝，所以拣咗木星图案（心心眼）
坐电梯到52楼就会到展览场地啦！
上到52楼就可以欣赏下东京啦，日间同夜间感觉好唔同架～
成个展会分左不同部份，共Chapter 0至7，当中有不同photo spot俾大家影相。
下页续：正式进入展览！超美月之宫殿观景台
一入到会场就係Chapter 0入口部份~
喺观景台呢边做成「月之宫殿」的设置，日间睇唔到有咩效果，但一到夜晚又见到同夜景融合的效果好靓！
夜晚有射灯效果
Sailor Moon同东京铁塔
入口全景图
呢个位係官方影相位，会有工作人员在场用相机正面影，可免费赠送一张小的相片以及用￥1,300买一张大的。试过有人问工作人员用手机影相，但工作人员讲明呢个位只可以用大会的相机影，如果想自己用手机影，要等到夜晚8点后等影相服务停止之后先得了。
同时有一些展品，都是旧版的漫画及精品，童年回忆出返哂来！！！
想当年期期Comic Fans我买齐架…仲专登keep低彩页…
仲有一幅巨大展画，係武内直子老师专为呢个展而新画的图，好靓呀！
除咗旧玩具，都有展示一些新玩具。
下页续：展览其他部份！珍贵画展，商品博物展
好啦正式入个展啦！来到Chaptor 1部份是第一次发表的美少女战士的年谱，将成个故事顺序列出来，一路睇就好似将美少女战士漫画重新睇一次一样，好感动～
Chapter 2：係一个小小短片，将漫画几个场面併成一个小动画，只得日文。
Chapter 3：係将漫画美少女战士第一话全部彩色化，真係好靓！每一格都要慢慢欣赏！
Chapter 4 ：就好似係美少女战士博物馆，有1990年代的旧时美少女战士商品，例如毛公仔，Trading card，Figure，玩具等等，全部都係而家好罕见。另外仲有动画的设定稿以及分镜，全部都係珍贵资料。
Chapter 5 ：是武内直子老师的原画展，为呢次展览新画的图都有展示。全部原画都超级漂亮，老师强大的绘画功力表露无遗，细腻的画风，每幅画我都花咗唔少时间细心欣赏。更可以睇到老师由以前的全手绘到现在用电脑作画的转变，呢一部份真係值回票价！
另外为咗保护原画，原画会分三期替换展出，如果想睇哂所有原画，就要分3次来了：
(1)4月16日(六)〜5月8日(日)
(2)5月9日(一)〜5月29日(日)
(3)5月30日(一)〜6月19日(日)
係Chapter 5原画部份前面有个Photo Spot，係月之宫殿呢！
下页续：大出血！会场限定商品立即睇
睇完个展览就係时候大出血啦！喺排去买野的走廊上可以见到美少女战士展板影下相，这些展板都係新动画Sailor Moon Crystal的版本。
今次个展览有好多会场限定商品，并且规定咗每人只可以买20样野，避免有人抢购所有商品令其他人无得买。
会场限定商品: Tote Bag
会场限定商品: 文件夹
会场限定商品: (上）笔(下）纸Memo，纸Memo劲受欢迎，经常处于缺货状态！
係店外面有一个Chocola BB的摊位，离开展览时都可以获赠一罐Chocola BB，如果见到就唔好错过啦。
下页续：美少女战士展的限定Cafe「豆钉兔Cafe」
买完野之后出去就会见到呢次美少女战士展的限定Cafe「豆钉兔Cafe」(CHIBIUSA Cafe)，睇完展览再食个美少女战士主题餐啱哂！
Cafe好多人，排左45分钟终于成功入到去啦！
餐单都好靓，有分野食，甜品同饮品，呢张相睇得唔清楚，详情可以去官网睇清楚食物相片。
首先来左的係甜品「露娜P的蓝莓慕斯」(ルナPボールのベリームース) 外型超级可爱！露娜的头係蓝莓慕斯，酸酸甜甜好好味，下面是朱古力忌薕，再加上围住侧面的生果，同埋士多啤梨的耳朵，一开始见到觉得得意到有少少唔捨得食。
主食叫左款「美少女战士特製汉堡包」(セーラームーンスペシャルバーガー)，以变身器为图案的汉堡包，星型薯饼以及月型饼乾，以及一小盘的腌渍菜。个人觉得那个腌菜太重口味，感觉麻麻地，星星薯饼和月型饼乾则是不过不失。至于主菜汉堡包，外型很吸引，里面有蛋，烟肉，牛肉汉堡，生菜及酱汁，有点失望是整个包以及馅料都是很乾涩，越食越没有劲…只是有种快点食完就算的感觉…是今天的美中不足。
最期特係呢款「天空的奇蹟・浪漫芭菲」(天空のミラクル・ロマンスパフェ)，以美少女战士展主图案设计而成的芭菲，颜色和设计都十分梦幻。白朱古力忌薕，红莓雪葩，新鲜士多啤梨，酥皮块，4层不同颜色味道的啫哩，加上大大的月亮装饰，真係好靓！最紧要係好好味！钟意食甜品真係唔好错过！
下页续：Cafe的精心设计枱面！加更多美少女战士精品
Cafe的枱面都係精心设计过，有唔同角色陪你食饭！不过因为係职员带你坐所以无得拣图案。
去完展览又食完cafe，当你离开52楼坐电梯返到2楼以为完哂的时候，係2楼的「ART+DESIGN STORE」仲有好多美少女战士精品等紧你！更有「ART+DESIGN STORE」限定的美少女战士精品商品！同52楼展览会卖的商品不同，大家的荷包真係要出血到最后一刻为止（笑）
六本木 美少女战士 展
时间：10am-10pm（最后入场时间9:30pm）
地点：六本木森美术馆 (东京港区六本木6-10-1 Mori Tower 52/F) (显示地图)
票价：成人：1,800円／高中及大学生：1,200円／4岁～中学生：600円／65歳以上：1,500円
前往方法：地铁日比谷线「六本木駅」1C出口可直达六本木Hills，在地铁站里面已经见到宣传板。
延伸阅读:
日本最新商场直击| 新宿NEWoMan@五月玲子。日本工作假期
美少女战士X伊势丹联名名古屋限定店舖@关关
